Back

ⓘ Փիրէա




Փիրէա
                                     

ⓘ Փիրէա

Փիրէաս, նաւահանգիստ Յունաստանի Ատիկէ նահանգին մէջ։

Փիրէան Յունաստանին ամենամեծ նաւահանգիստն է, Աթէնքէն եւ Սելանիկէն ետք 3-րդ քաղաքը:

Եւրոպայի առաջին երեք նաւահանգիստներէն է:

Ըստ 2011 մարդահամարին, Փիրէա քաղաքին բնակչութեան թիւն է՝ 163.688 առանց արուարձաններուն:

Աթէնք-Փիրէա Քաղաքային Տարածաշրջան ին Փիրէայի Շրջանային Միաւորին բաժնին մէջ գտնուող քաղաք մըն է։

Փիրէայի ընդլայնուած տարածաշրջանը ունի 448․997 բնակչութիւն, Փիրէայի Շրջանային Միաւոր կը կազմէ եւ կ՛ընդգրկէ բացի համանուն Փիրէա քաղաքապետութենէն նաեւ ուրիշ չորս քաղաքապետութիւններ․ Նիքէա-Այ․Իոաննիս Ռենտի, Քորիտալլօ, Քերացինի-Տրափեցոնա եւ Փերամա։

                                     

1. Անունին ստուգաբանութիւնը

Բազմաթիւ հին յոյն հեղինակներ, նշելու համար Փիրէային կղզեաբնակ նկարագիրը, "Փիրէեւս" անունը կը ստուգաբանեն "փերէեւս" բառէն յուն․ ε -ե եւ ει -ի հնչիւններուն թաւալումով։ Փիրէեւս կը նշանակէ փորթմեւս πορθμεύς ՝ նեղուցէն անցընողը յուն․՝ περαιόω = դիմաց կ՛ անցնիմ. այսինքն, ան որ յանձն կ՛առնէ ճամբորդները նաւակով անցընելու Ֆալիրոյի ափէն՝ Փիրէա կղզիին այդ ժամանակուան ափը։ Հին յունարէն լեզուին մէջ՝ քաղաքը կը կոչուի Փիրէեւս եւ կամ՝ Փիրէոս։ Այս ստուգաբանութեան հետ կը համաձայնին Ստեփան Բիւզանդացին Στέφανος ο Βυζάντιος, ինչպէս նաեւ J. Schmidt եւ K. Wahrman 1929։ Առաւել, Փիրէոս կը կոչուէր նաեւ հին Կորնթոսին նաւահանգիստը որ πορθμεύς կը նշանակէ։

                                     

1.1. Անունին ստուգաբանութիւնը Զանազան Անուանումներ

Հին տարիներէն մինչեւ մեր օրերուն Փիրէան հետեւեալ անունները ունեցած է․-

  • Քանթարոս Κάνθαρος կամ՝ Քանթարոյի Նաւահանգիստ Λιμήν Κανθάρου "քանթարոս" բառին իմաստները․ միջատ մը եւ կամ նաեւ հին տարիներու յունական լայն բերանով անօթ,
  • Փիրէաս Πειραιάς ․ Ստեփան Բիւզանդացին տուած անունը եւ այսօրուան ժողովրդային լեզուով անուանումը,
  • Աթէնքի Փորդօն Աթէնքի Դուռը ԺԷ․ դար,
  • Athenarum portus հռոմէական շրջանին, Porto dei Setine, Portus de Sithines եւ կամ պարզապէս՝ Սիթինես Sithines միջնադարին,
  • Աթէնքի նաւահանգիստ
  • Փիրէեւս Πειραιεύς ․ հին տարիներու եւ ժամանակակից անուանումը,
  • Քոֆոս Նաւահանգիստ Κωφός λιμήν բառացի թարգմ․ "քոֆոս" ՝ խուլ․ Պեղոպոնեզեան պատերազմներէն ետք հնագէտներուն վերջին կարծիքով,
  • Փիրէայի Նաւահանգիստ Λιμήν του Πειραιώς կամ պարզապէս Նաւահանգիստ Λιμήν ՝ հնագոյն տարիներուն հնագէտներուն վերջին կարծիքով,
  • Առիւծին Նաւահանգիստը Λιμήν Λέοντος․ նաւային քարտէսներուն մէջ ծանօթ իբրեւ Πόρτο Λεόνε Porto Leone ։ Թուրքերը թարգմանելով կոչեցին Ասլան Նաւահանգիստ մինչեւ 1821։ ԺԴ․ դարէն մինչեւ ԺԷ․ դար, նաւահանգիստին մուտքին առիւծի հսկայ յուշարձան մը կար․ ճամբորդները ատիկա կը տեսնէին հազիւ նաւահանգիստ կը մտնէին։ Այժմ բնօրինակը կայ, որովհետեւ նախատիպը 1688 Ֆրանցեսքօ Մորոզինին Francesco Morosini գողցաւ եւ այժմ Վենետիկ կը գտնուի։
  • ԺԷ․ դարուն ընթացքին Փիրէան նաեւ կը կոչուի Մախեստրիա եւ կամ Արեւելքին Մաղեսդրիա այսինքն Մանչէսթըր անոր նաւային եւ երկաթուղային կառոյցներուն համար։
  • Վիշապի Նաւահանգիստ․ Քաթալոններուն գրաւման ընթացքին, թուրքերը թարգմանելով կոչեցին Էնճեր լիմանի․
                                     

2. Աշխարհագրական Դիրքը

Փիրէան կը գտնուի Ատիկէի նաեւ ծանօթ իբրեւ Աթէնքի Քաղաքային Տարածաշրջան կամ՝ Ատիկէի Աւազանը դաշտին հարաւ-արեւմտեան մասը։ Իր դիրքին պատճառաւ կը կոչուի նաեւ ցամաքակղզի։

Փիրէան կը շրջապատեն՝ հիւսիս արեւմուտքէն Էղալէօ լեռը, հարաւ-արեւմուտքէն Սարոնիքոս Ծոցը եւ արեւելքէն եւ հիւսիս արեւելքէն Աթէնքի Քաղաքային Տարածաշրջանին մնացեալ մասը։

Նաւահանգիստները

Փիրէան ճամբորդներու երթեւեկութեան եւ առեւտուրի աշխարհի ամենամեծ նաւահանգիստներէն է։ Ունի երեք նաւահանգիստներ․ արեւելքէն արեւմուտք՝ Միքրոլիմանօ Μικρολίμανο հին անունով՝ Մունիխիա, Զէա Ζέα- Zéa կամ Passalimani եւ Քանթարոս Κάνθαρος Kantharos մեծ նաւահանգիստը։ Միքրոլիմանօ եւ Զէան զբօսանաւերու նաւակայքեր են։

Վերջին տարիներուն, նաւահանգիստին ընդլայնման եւ զարգացման համար հսկայ ներդրումներ եղած են եւ կ՛ըլլան։ Մանաւանդ մայր նաւահանգիստին՝ ճամբորդներու երթեւեկութեան եւ առեւտուրի բաժնին․ կ՛ ընդարձակուի դէպի հիւսիս։

                                     

3. Կլիմա

Փիրէայի կլիման ենթարեւադարձային բարեխառն է, Միջերկրականի հիւսիսային աւազանի երկիրներուն նման։ Գլխաւոր յատկութիւնն է կիսաչոր կլիման․ տաք ամառներ։ Ցամաքային Եւրոպայի ամենատաք շրջանը կը հանդիսանայ։

                                     

4. Պատմական անդրադարձ

Փիրէան հին տարիներուն Իփոթոօնտիտաս Ιπποθοωντίδας թաղապետութիւնն է։ Ք․Ա․ Զ․դարուն Հին Աթէնքի մէջ, Քլիսթենիս կը կիրարկէ ժողովրդավարական հաւասարութիւնը։ Հին "ցեղերու" դրութիւնը կը փոխարինէ արուեստականով՝ Ատիկէի հողատարածքը կը բաժնէ քաղաքային, միջերկրեայ եւ ծովափնեայ շրջաններու ու կը հիմնէ 10 թաղապետութիւններ "ցեղեր" եւ վերոնշեալ երեք շրջաններու ամէն մէկ "ցեղ" ի բնակիչները կը բաժնէ, իւրաքանչիւրին հաւասար իրաւունքներ տալով։

                                     

4.1. Պատմական անդրադարձ Հին Քաղաքը

Փիրէան Աթէնքի հողատարածքի ծովափնեայ շրջանի քաղաքն է։ Մունիխիա Բլուրը այժմ Քասթելլա Բլուր հաւանաբար քաղաքին կեդրոնը եղած է․ յատկապէս բլուրին գագաթը, արեւելեան լանջը եւ անոր առջեւի ծոցիկը՝ Մունիխիային նաւահանգիստը, այսօր՝ Միքրոլիմանօ Μικρολίμανο ։ Իսկ բլուրին հիւսիս-արեւելեան լանջին կը գտնուի Զէա Ζέα նաւահանգիստը։ Երկուքն ալ ռազմական օգտագործումի համար էին եւ Մունիխիանինը աւելի ապահով կը սեպուէր։

                                     

4.2. Պատմական անդրադարձ Թեմիսթոքլիս, Փիրէայի տնտեսութեան հիմնադիրը

Թուքիտիտիս, իր "Պատմութիւն գիրք" ին մէջ կը նշէ թէ Թեմիսթոքլին հասկնալով նաւահանգիստին կարեւորութիւնը, կ՛ուզէ Փիրէան Աթէնքին կեդրոնը դարձնել, սակայն չի յաջողիր։ Նաեւ Արիստոթելին կը գրէ թէ 18 տարեկան երիտասարդները իրենց զինուորական պարտականութիւնը Փիրէայէն կը սկսէին․ անոնք կը ներկայանային Փիրէա եւ Աքթի ։

Նաեւ Թեմիսթոքլիին իշխանութեան օրերուն Լաւրիոնի հանքերուն մէջ կը յայտնուին նոր հանքային խաւեր, որոնք կ՛արագացնեն Փիրէայի ամրացումին եւ նաւային կառուցումներուն աշխատանքները։ Այս ձեւով նաւային շինարաններուն մէջ կը կառուցուի հսկայ նաւատորմիղը որ պարսիկներուն պիտի յաղթէ Սալամինայի նաւամարտին Ք․Ա․ 480։

Աթէնքին գլխաւոր նաւահանգիստը կը դառնայ։

Թեմիսթոքլիս նաեւ ծրագրողն է Փիրէան Աթէնք կապող Երկար Պարիսպներուն, որոնք սակայն կ՛իրականանան անոր Աթէնքէն խեցեվճիրէն տասնամեայ աքսոր ետք, Ք․Ա․ 471։

                                     

4.3. Պատմական անդրադարձ Դասական շրջան

Փիրէան ալ Աթէնքի նման, կ՛ապրի իր ոսկեդարը։ Կը դառնայ առեւտուրի կեդրոն։ Երկար պարիսպները կը կառուցուին Ք․Ա․ 461 – 456։ Ք․Ա․ 451-ին քաղաքը կը վերակառուցէ Իփոտամոս Միլիսեցի* Ιππόδαμος ο Μιλήσιος Hippodamus of Miletus ճարտարապետը։

  • Միլիթոս – Յունական գաղթօճախ, Փոքր Ասիոյ արեւմտեան ափերուն։

Մեղարա եւ Կորնթոս քաղաք-նաւահանգիստները կասկածամտութեամբ եւ նախանձով կը դիտեն Փիրէայի զարգացումը։ Պեղոպոնիզեան պատերազմին ընթացքին որ յառաջացաւ գլխաւորաբար տնտեսական պատճառներէ այս թշնամութիւնները մէջտեղ կ՛ելլեն․ վերոնշեալ քաղաքները Սփարդիին կողմը կ՛առնեն։

                                     

4.4. Պատմական անդրադարձ Հռոմէական շրջան

Հռոմէացի Սուլա Sulla զօրավարը քաղաքը կը գրաւէ եւ կը քանդէ Ք․Ա․ 87-86։

Քաղաքին վերջնական հարուածը Կոթերը կու տան 395։

                                     

4.5. Պատմական անդրադարձ Միջնադար

Բիւզանդական շրջանին Փիրէայի նաւահանգիստը պարբերաբար կ՛օգտագործուի բիւզանդական նաւատորմիղէն։

Վենետիկցիները Փիրէան կ՛ անուանեն Սիթինես Sithines այսինքն՝ Աթէնքին Նաւահանգիստ եւ ԺԴ․ դարուն առաջին անգամ Առիւծ բառին կը հանդիպինք, երբ անոր հսկան արձանը կը տեղադրուի նաւահանգիստին մուտքին։ Հետագային կ՛անուանուի Πόρτο Λεόνε Porto Leone թարգմ․՝ Առիւծի Նաւահանգիստ։

                                     

4.6. Պատմական անդրադարձ Օսմանեան շրջան

1456-ին օսմանցիները Փիրէան կը գրաւեն եւ քաղաքը ծանօթ կը դառնայ իբրեւ Ասլան Լիման Aslan Liman թարգմ․՝ Առիւծի Նաւահանգիստ։

Վենետիկի Հանրապետութիւնը կը պայքարի Աթէնքին տիրանալու եւ ԺԷ․ դարուն Վենետիկի եւ թուրքերու միջեւ վեցերորդ պատերազմի ընթացքին, Վենետիկցիները գլխաւորութեամբ Ֆրակիսքօ Մորոզինիի Փիրէան կը գրաւեն եւ Մորոզինի հետը կը տանի Առիւծի յուշարձանը եւ Վենետիկի Արսենալ համալիրին Arsenale di Venezia կը տեղադրէ։

Օսմանեան տիրապետութեան ժամանակաշրջանին Փիրէան գրեթէ կ՛ամայանայ, բացի Սուրբ Սփիրիտոս վանքէն հիմնուած 1590-ին եւ մաքսատունէն։

Երկու անգամ անյաջող փորձեր կ՛ըլլան նոր քաղաք վերակառուցել։ Նախ 1792-ին Իտրա կղզիէն բնակիչներ բերելով եւ Յունաստանի անկախութեան պատերազմներուն ընթացքին 1825 Փսարա կղզիէն։

1827-ին Յունաստանի անկախութեան պատերազմին ընթացքին Մունիխիա բլուրը բերդի դեր կը կատարէ եւ անկէ յունական ուժերը Աթէնքի Աքրոփոլիին պաշարման օգնութեան կը հասնին։

Քաղաքը սկզբնական շրջաններուն կը զարգանայ իբրեւ ձկնորսներու քաղաք, հեռու իր վաղեմի հմայքէն։



                                     

4.7. Պատմական անդրադարձ Նորագոյն շրջան

Յունաստանի անկախութեան առաջին տարիներուն 1832-ին Աթէնքը մայրաքաղաք կը հռչակուի։ Փիրէան, որ դեռ կը կոչեն Փորդօ Լէոնէ կամ՝ Վիշապի Նաւահանգիստ Porto Draco կը սկսի զարգանալ ու դառնալ վաճառականութեան եւ ճարդարարուեստի գլխաւոր կեդրոն։ Էգէական Ծովուն կղզիներէն գաղթականներուն հոսքը չի դադրիր։ 1835-ին Փիրէայի քաղաքապետութիւնը կը հիմնուի, ընդամէնը 300 բնակիչներով։

Քաղաքը արագ թափով կ՛աճի եւ կը դառնայ Յունաստանի երկրորդ քաղաքը։ Այս աճման մեծ դեր կը խաղան 1869-ին Փիրէա-Աթէնք երկաթուղագիծի կառուցումը, 1860-ական թուականներուն ճարտարարուեստի զարգացումը եւ 1893-ին Կորնթոսի Ջրանցքին բացումը։ Այս եղելութիւնները կը ցուցնեն Փիրէա քաղաքին ռազմական կարեւորութիւնը։

1869-ին բանկչութեան թիւն է՝ 11 000, 1895՝ 50 000։

Նոր շէնքեր կը կառուցուին, հաստատութիւններ կը հիմնուին, օրինակ՝ կրթական հիմնարկներ, եկեղեցիներ, Սակարանը, Քաղաքապետարանը, Նամակատունը, Կեդրոնական Շուկան եւ բարեսիրական հաստատութիւններ։ Նաւահանգիստը, Մաքսատունը եւ անոնց ափամերձ թաղերը կը նորոգուին, նաեւ նոր թաղեր կը կառուցուին։

ԺԹ․ դարու վերջաւորութեան, քաղաքին բնակչութիւնը 51 020 հոգի կը հաշուէ։

1915-ին Հայոց եւ 1917-ին Պոնտոսի յոյներուն Ցեղասպանութիւններէն եւ մանաւանդ Փոքր Ասիոյ աղետէն 1919-1922 յունաթրքական պատերազմին հետեւանքները ետք վերապրողներու եւ հետագային Յունաստանի եւ Թուրքիոյ միջեւ ժողովուրդի փոխանակութեան պայմանագրով՝ Լոզանի Դաշնագիր, գաղթականներու հսկայ հոսքին մէկ մասը Փիրէա կը հասնի․ 1920-ին բնակչութեան թիւը կը կրկնապատկուի 133 482 հոգի, իսկ 1928-ին կը հասնի 251 659։ Քաղաքին շրջակայքը, արուարձանները կը լեցուին յոյն եւ հայ գաղթականներով տե՛ս Քոքինիոյ հայկական գաղութը․ Նիքէա, Քերացինի, Տրափեցոնա եւ Քորիտալոս։

Գաղթականները մեծապէս կը սատարեն քաղաքին զարգացման։

Բ․ Համաշխարհային պատերազմին ընթացքին Փիրէա քաղաքը նաւահանգիստ ըլլալով ռմբակոծումներէն ծանր վնասներ կը կրէ։ 1955-էն ետք, կրկին արագօրէն կը զարգանայ։



                                     

4.8. Պատմական անդրադարձ Ժամանակակից շրջան

Փիրէան այժմ մաս կը կազմէ Աթէնքի Քաղաքային Տարածաշրջան ին ինչպէս յաճախ կորակուի Ատիկէի Շրջանը իբրեւ Փիրէայի Շրջանային Միաւորը իր արուարձաններ-քաղաքներով։

Փիրէայի Միջազգային Նաւահանգիստը Յունաստանի ամենամեծն է, Եւրոպայի առաջին երեք եւ աշխարհի գլխաւոր տասը նաւահանգիստներէն է։

                                     

5. Նաւային Ճարտարարուեստ

Փիրէան նաւային ճարտարարուեստին կեդրոնն է։ Յունական նաւային բնագաւառին մէջ առեւտրական երախակալն է։ Գրեթէ բոլոր յոյն նաւատէրերը իրենց գրասենեակները հոն ունին։ Յոյն Նաւատէրերու Առեւտրական Նաւուժը Hellenic Merchant Marine կը հսկէ աշխարհի նաւային առեւտուրը․ նաւային բնագաւառէն ներս առաջին տեղը կը գրաւէ։

                                     

6.1. Մշակոյթ Տեսարժան վայրեր եւ Թանգարաններ

  • Արեդուսա Քարայր, կը գտնուի Քասդելա Բլուրին վրայ։
  • Փիրէայի Հնագիտական Թանգարանը․ կը գտնուի Միքրոլիմանոյին եւ Թերփսիթէային միջեւ։
  • Գծագրութեան եւ Բեմադրութեան Թանգարան Panos Aravantinos Decor Museum - Μουσείο Ζωγραφικής και Σκηνογραφίας ․ կը գտնուի Փիրէայի Քաղաքապետութեան Թատրոնին մէջ։
  • Յունաստանի Նաւային Թանգարանը Ναυτικό Μουσείο της Ελλάδος -Hellenic Maritime Museum ․ կը գտնուի Փիրէայի հարաւ-արեւելեան Ֆրէադիտա Φρεαττύδα Freattyda շրջանը։
  • Ելեկտրական երկաթուղագծի Թանգարան Μουσείου Ηλεκτρικών Σιδηροδρόμων -Electric Railways Museum of Piraeus ․ Կը գտնուի Փիրէայի երկաթուղագիծի կայարանին մէջ։
  • Փիրէայի Քաղաքապետութեան Պատկերասրահ Δημοτική Πινακοθήκη Πειραιά - Municipal Art Gallery
  • Հիէդոնիա Դուռը Πύλης της Ηετιωνείας -Eetioneia Gate in Piraeus ․ մայր նաւահանգիստին մուտքին արեւմտեան մասին։
  • Էքաթերինի թարգմ․՝ Կատարինէ Լասքարիտի Հիմնարկ․ հերթաբար կը հիւրասիրէ մշակութային, պատմական, նաւային եւ դաստիարակչական բնոյթով ցուցադրութիւններ։
  • Քումունտուրու կղզիակը Νησίδα Κουμουνδούρου կամ՝ Փարասքեւային կղզիակը, կը գտնուի Միքրոլիմանօ եւ Զէա նաւակայքերու միջեւ։
  • Սիրակիոյ Σηράγγιο կամ՝ Փարասքեւային Քարայրը։ Բնական քարայր ստորերկրեայ անցքերով։ Կը գտնուի Վոցալաքիա ծովափին ետեւի ժայռերուն մէջ։


                                     

6.2. Մշակոյթ Թատրոններ

Փիրէային մէջ այժմ կը գործեն հետեւեալ թատրոնները․-

  • Փիրէայի Քաղաքապետական Թատրոն Δημοτικό Θέατρο του Πειραιά -Piraeus Municipal Theatre ․ հիմնուած է 1895-ին եւ կը գտնուի քաղաքին կեդրոնը։
  • Մենանտրիոյ Թատրոն Μενάνδρειο Δημοτικό Θέατρο նախկին անունը՝ Տելֆինարիոյ Δελφινάριο․ բաց քակտելի թատրոն, նման՝ հին յունական թատրոններու, կը գտնուի Խաղաղութեան եւ Բարեկամութեան Մարզադաշտին կից։
  • Փիրէայի Վէաքիօ Թատրոն Βεάκειο Δημοτικό Θέατρο ․ Բաց թատրոն, հին յունական թատրոններու նման, կը գտնուի Քասդելա Καστέλλα բլուրին Փրոֆիդի Իլիա Προφήτη Ηλία վրայ եւ հիմնուած է 1969-ին։

Եղած են ուրիշ թատրոններ ալ, սակայն այժմ չեն գործեր։

                                     

6.3. Մշակոյթ Մարզական

Փիրէայի տարածքաշրջանը Յունաստանի մարզական կեանքին մէջ մեծ աւանդութիւն ունի։ Կան բազմաթիւ ակումբներ։ Կը պարծենայ իր ոտնագնդակի, կողովագնդակի, վոլլէյ-պոլի, ձեռնագնդակի եւ դասական մարզանքի ակումբներ-խումբերով։ Նաեւ՝ Քարայիսքաքիս Karaiskakis Stadium -Στάδιο Γεώργιος Καραϊσκάκης եւ Խաղաղութեան եւ Բարեկամութեան Στάδιο Ειρήνης και Φιλίας - Stadio Eirinis kai Philias մարզադաշտերով։ Երկու ակումբներ՝ Էթնիքոս եւ Օլիմպիաքոս, իրենց հիմնումէն 1920 մինչեւ այսօր քաղաքին եւ անոր շրջակայ քաղաքներուն բնակչութեան համակրանքը կը վայելեն։ Անոնց "water-polo" ի խումբերը յունական եւ եւրոպական ախոյանութեան առաջին դիրքերը կը գրաւեն։ Իսկ Օլիմպիաքոսին ոտնագնդակի եւ կողովագնդակի խումբերը յունական եւ եւրոպական ախոյեանութեանց մէջ գլխաւոր դերակատարներէն են։

Քարայիսքաքիս մարզադաշտ. Հիմնուած է 1895-ին իբրեւ Հեծելարշաւի մարզադաշտ, հետագային կ՛օգտագործուի ոտնագնդակի խաղերու համար եւ 1964-ին կը վերակառուցուի։ Այժմ Օլիմպիաքոս ոտնագնդակի խումբին նստատեղին է։ Հիւրասիրած է հետեւեալ միջազգային եւ համաշխարհային բնոյթով մարզախաղերը՝

  • 1969- Համաեւրոպական Մարզական Ախոյանական Խաղերը European Athletics Championships ։
  • 1896-ին Աթէնքի մէջ կայացած Ա․ Ողիմպիական խաղերուն ընթացքին հեծելարշաւի խաղերը,

Խաղաղութեան եւ Բարեկամութեան Մարզադաշտ. Բացումը կատարուեցաւ 1985-ին։ Կը գտնուի Ֆալիրիքօ ծովափին, Քարայիսքաքի մարզադաշտին դիմացը։ Բացման տարին կը հիւրասիրէ Եւրոպայի 16-րդ Փակ Դաշտի Մարզախաղերը European Athletics Indoor Championships ։ Գործեց իբրեւ Յունաստանի Հոքէյի ախոյանութեան մրցաշարքի մարզադաշտ․ միակը Յունաստանի տարածքին։ 1991-ին անոր արդի կառոյցներուն համար կը շնորհուի IAKS International Working Group for the Construction of Sports and Leisure Facilities Ոսկի Մրցանակը։ 1991-1992 մարզական տարեշրջանէն մինչեւ այսօր Փիրէայի միջազգային համբաւ ունեցող Օլիմպիաքոս կողովագնդակի խումբին նստատեղին է, ուր կը հիւրասիրէ անոր յունական եւ եւրոպական ախոյեանութեանց խաղերը։ Հերթաբար հիւրասիրած է Ըմբշամարտի, Գործարանաւոր ու Չափական Մարզանքի եւ Ծանրամարտի համայունական, միջազգային եւ համաշխարհային բնոյթով մարզախաղեր։ Հիւրասիրած է նաեւ հետեւեալ միջազգային եւ համաշխարհային բնոյթով մարզախաղերը՝

                                     

6.4. Մշակոյթ Դասական մարզախաղեր

Համաեւրոպական Դասական խաղերու Ախոյանութեան մրցաշարքը 1985։

                                     

6.5. Մշակոյթ Կողովագնդակի մարզախաղեր

  • Համաեւրոպական Կողովագնդակի Ախոյանութեան մրցաշարքը 1987։
  • Եւրոպայի Կողովագնդակի Բաժանակակիր խումբերու ախոյեանութեան մրցաշարքին աւարտական խաղերը 1989։
  • Համաշխարհային Կողովագնդակի մրցաշարքը, 1998։
  • Եւրոպայի Կողովագնդակի ախոյեան խումբերու Բաժակի ախոյեանութեան մրցաշարքին աւարտական խաղերը Final Four, 1993։
  • Եւրոպական Կողովագնդակի Ախոյեան խումբերու մրցաշարքին աւարտական խաղերը 1985։
                                     

6.6. Մշակոյթ Քոքինիոյ Հ․Մ․Ը․Մ․

1925 թուականէն, Փիրէայի Շրջանային Միաւորին մէջ կը գործէ Քոքինիոյ Հ․Մ․Ը․Մ․ Հայ Մարմնակրթական Ընդհանուր Միութիւն իր մարզական եւ սկաուտական խումբերով․ պաշտօնական վաւերաթուղթերուն մէջ արձանագրուած է Արմենիքի Փիրէոս Αρμενική Πειραιώς եւ այս անունով ծանօթ է յունական շրջանակներուն մէջ։ Նստատեղին Քոքինիոյ "Զաւարեան" ակումբն է։

Մինչեւ 2018-ին ունէր ոտնագնդակի խումբ, որ կը մասնակցէր Փիրէայի Շրջանային Ախոյեանական մրցաշարքերուն։ Ժամանակի ընթացքին այս խումբէն ելան տաղանդաւոր հայ մարզիկներ որոնք անուն ձգած են Յունաստանի ոտնագնդակի պատմութեան մէջ՝ Գ․ Յաբէթեան եւ Գրիգոր Աղանեան։

Այսօր, Յունաստանի Հ․Մ․Ը․Մ․-ի Քոքինիոյ մասնաճիւղը տե՛ս Քոքինիոյ հայկական գաղութը աշխուժ գործունէութիւն կը ցուցնէ իր Սկաուտական բաժինով ու Մարզական խումբերով ։

                                     

6.7. Մշակոյթ Եկեղեցիներ

Փիրէան կարեւոր թիւով եկեղեցիներ ունի։ Գլխաւորներն են՝ Ս․ Երրորդութեան եւ Ս․ Սփիրիտոնա եկեղեցիները։ Վերջինը քաղաքին բարեխօսն է։ Քոքինիոյ հայ համայնքին Սուրբ Յակոբ Առաքելական եկեղեցին՝ հիմնուած 1936-ին, կը գտնուի Փիրէայի Քաղաքապետութեան սահմաններուն մէջ։

                                     

7. Կրթական հաստատութիւններ

Փիրէայի Շրջանային Միաւորին մէջ կը գործեն պետական 146 Մանկապարտէզներ, 146 Նախակրթարաններ, 62 Միջնակարգեր, 58 Երկրորդական վարժարաններ, 2 համալսարաններ՝ Փիրէայի Համալսարանը եւ Յունաստանի Նաւային Կաճառը։ Ասոնց քով, կը գործեն Նաւային Երկրորդական վարժարանը, Երաժշտութեան Միջնակարգ-Երկրորդական վարժարանը, Մարզական Երկրորդական վարժարանը, երկու Իրիկուան Երկրորդական վարժարաններ, 7 Արհեստավարժական Երկրորդական վարժարաններ:

                                     

8. Փոխադրական միջոցներ

Ցամաքային փոխադրամիջոցներ

Քաղաքը ունի խիտ, ընդարձակ, իրարու հաղորդակցող լայնածաւալ հանրային փոխադրամիջոցներ․ հանրակառքային՝ trolleybus - autobus, երկաթագծային պարզ, թէ արագընթաց՝ métro, tramway, որոնք կապուած են նաւային եւ օդային փոխադրամիջոցներուն։ Նաեւ՝ թաքսի taxis ։ Փոխարկող երկաթուղագիծը Athens Suburban Railway կամ՝ Proastiakos Athens կը գործէ շրջանային գետնի վրայ եւ Ատիկէի մարզի դրացի շրջանները կը կապէ Աթէնք-Փիրէա տարածքաշրջանի նաւային, ցամաքային եւ օդային փոխադրամիջոցներուն։

Նաւային փոխադրամիջոցներ

Նաւային փոխադրամիջոցը 24 ժամուան հետեւողականութեամբ կը կատարուի։ Անոնց կապուած են ցամաքի փոխադրամիջոցները։

                                     

9. Եղբայրացած քաղաքներ

Փիրէան եղբայրացած է հետեւեալ քաղաքներուն հետ․-

  • Ուսդըր Worcester, Ա․Մ․Ն․, 2005 թ․
  • Ռոզարիօ Rosario Արժանթին, 1997թ․
  • Օսդրաւա, Չեխիա, 1997թ․
  • Մարսիլիա, Ֆրանսա, 1984 թ․
  • Շանկհայ, Չինաստան, 1985 թ․
  • Սենթ Փեթերսպուրկ, Ռուսիա, 1965 թ․
  • Վառնա, Պուլկարիա
  • Արխանկելսք, Ռուսիա, 1995 թ․
  • Պալթիմոր, Baltimore, Ա․Մ․Ն․, 1982 թ․
  • Կալացի, Ռումանիա, 1985 թ․
                                     

10. Բնակչութիւն

Փիրէա քաղաք-նաւահանգիստը, ըստ 2011 մարդահամարին, 163 688 բնակչութեամբ Յունաստանի 5-րդ քաղաքն է։ Փիրէայի ընդլայնուած տարածաշրջանը 448 997 հոգիի բնակչութեամբ, Փիրէայի Շրջանային Միաւոր կը կազմէ եւ կ՛ընդգրկէ բացի համանուն Փիրէա քաղաքապետութենէն նաեւ ուրիշ չորս քաղաքապետութիւններ․ Նիքէա-Ռենտի, Քորիտալլօ, Քերացինի-Տրափեցոնա եւ Փերամա։

                                     

11. Տեղանուններ - Փիրէային թաղերը

Փիրէային հին ու նոր թաղերը կը կրեն անուններ գլխաւորաբար՝ Փոքր Ասիոյ գաղթականներուն կողմէն տրուած ի պատիւ իրենց ծննդավայրերուն, շրջանի երկրաբանական տիպէն, նախկին հողատէրերէ, հինէն եկած անունէն եւ կամ ալ շրջանին մայր եկեղեցւոյ անունէն։

  • Քասդելա․ հին Մունիխիա նաւակայքին, աւելի ուշ Թուրքոլիմանօ եւ այժմ Միքրոլիմանօ ու համանուն բլուրին շրջան,
  • Քարւունիարիքա․ նոյն անունով նաւահանգիստին հիւսիս-արեւմտեան եւ արեւելեան Մանիքա կոչուած ծայրամասեր, ուր Բ․ Համաշխարհային Պատերազմին ընթացքին բնածխաջրատները կը կուտակէին,
  • Քերքցինի․ համանուն ծոցիկին շուրջ տարածուող շրջան,
  • Ամֆիալի,
  • Քամինիա թարգմ․՝ բուխերիկ․ հոն ԺԹ․ դարուն կը գտնուէին աղիւսակերտութեան բուխերիկները,
  • Էվղենիա կամ՝ Էվղենիա եւ կամ՝ Աւղիանա․ Քերացինիի շրջան, ուր մեծ տարածքներ ունէր այդ անունով Աթենացի գեղջուհի մը,
  • Քարաւաս․ անուանումը առաջացած է Փիրէային հիւսիս-արեւմտեան կողմի երկու յաջորդական բլուրներուն եւ Քերացինիին ու Քոքինիոյ միջեւ գտնուող հողատարածքներուն տիրոջ անունէն,
  • Լաքա Վաւուլա․ Քասդելա բլուրին հիւսիս-արեւմտեան մասին տարածքներուն երբեմնի հողատիրոջ անունը,
  • Մանիադիքա․ անուանուած Պեղոպոնեզի հարաւային Մանի հրուանդանէն հաստատուած բնակիչներէն,
  • Վալթոս կամ Վուրլիես, Սուրբ Տիոնիսիոս շրջան,
  • Իփոտամիա հրապարակ եւ փողոց․ ի պատիւ Փիրէա հին քաղաքին Ք․Ա․ Ե․ դար ճարտարապետ եւ Փիլիսոփայ Իփփոտամօ Միլիսեցիին,
  • Սուրբ Սոֆիա,
  • Լեմոնատիքա․ Քարայիսքաքի քարափին երկարող շրջան,
  • Լեֆքա․ անունը առած է համանուն ծառերուն անունէն,
  • Աքթի Քսաւիերու․ Ի․ դարասկիզբին իտալացի Սթելա Քսաւիերոյի նաւաշինութեան վայրը,
  • Քոփի․ Տրափեցոնայի շրջան ուր կը գործէր գոլորշիի գործարան,
  • Քերադոփիրղոս․ Քերացինիի ծոցիկին արեւմտեան մասին հրուանդան, ուր մինջեւ այսօր գոյութիւն ունի միջնադարեան բերդը,
  • Սուրբ Նեղոս․ Խածիքիրիաքիօ շրջան,
  • Տրափեցոնա եւ Քերացինի այժմ միացեալ քաղաքապետութիւն․ առաջինին անունը առաջ եկած է Տրափէ Ձոնա ձորակէն,
  • Աքթի Մանինա․ Քոֆոս Նաւահանգիստին մօտ, անունը առած է Մանինա ալիւրի ջաղացքէն,
  • Թէոսփիդա ․ Փիրայիքի թերակղզիին, Նոր Կէլլիպոլին եւ Նաւային Կաճառին միջեւ շրջան,
  • Սուրբ Վասիլիոս․ Կէլլիպոլի եւ Ֆրէաթիտայի միջեւ,
  • Վրիոնի․ Միաուլի ծովեզրին, կեդրոնական նաւահանգիստին շրջան, անունը առած է հոն բնակութիւն հաստատած մեծահարուստ Ռուսիայէն յոյն վաճառականի մը,
  • Փասալիմանի․ օսմանեան իշխանութեան շրջանին օսմանցի կառավարիչի հսկողութեան տակ նաւակայք,
  • Տափա․ նաւահանգիստին նախամասը,
  • Թամպուրիա․ Քերացինիի եւ նաւահանգիստին միջեւ շրջան,
  • Փարլամա․ Փանաղիցա եկեղեցւոյ շրջակայքը,
  • Իտրէիքա․ Փիրէային հարաւային շրջան Քոֆոս Նաւահանգիստին մօտ, ուր Իտրա կղզիէն բնակիչներ կայք հաստատեցին 1838-ին,
  • Ֆանարի․ Միքրոլիմանոյին շրջանին հին անունը, որուն ծոցիկին հիւսիսային կողմը կար նաւարկուող լապտեր մը,
  • Աքթի Ծելեփի․ Աթենացի Եանաքու Ծելեփին հոն ապարանքը կառուցած էր,
  • Դրուպա․ նաւահանգիստին հարաւը,
  • Քոքինիա հին ու նոր․ մեծ շրջան տարածուած Քարաւա բլուրին եւ Փեթրու Րալի պողոտային միջեւ։ Այդպէս կոչուած է, որովհետեւ ատենին կակաչներով, սոճիներով, բարտիներով լեցուն, հարուստ մարգագետիններով շրջան էր եւ կամ՝ հողին կարմիր գոյնին պատճառով։ Հին Քոքինիան այժմ մաս կը կազմէ Նիքէա-Այ․Իոաննիս Ռենտի քաղաքապետութեան, իսկ Նորը՝ Փիրէային։
  • Դինանիոս Քիփոս․ անունը առաւ ֆրանսացի նաւապետ Պարպիէ Տը Դինան,
                                     

12. Փիրէային հայերը

Տե՛ս բուն արձանագրութիւնը՝ Քոքինիոյ հայկական գաղութը

Փիրէայի Շրջանային Միաւորին մէջ հայերը նախքան ցեղասպանութիւնը, քանի մը տասնեակ կը հաշուէին։ Փոքր Ասիոյ աղետէն հոն ապաստանած հայերը արագօրէն կազմակերպուեցան եւ այսօր աշխուժ գործունէութիւն ունին։ Անոնց գործունէութեան գլխաւոր կեդրոնը Քոքինիան է։

                                     

13. Արտաքին յղումներ

  • Թուքիտիտիս ֆր.
  • Երկար Պարիսպները անգլերէն
  • Πειραιάς Ιπποθοωντίδας Hippothoontides յուն.
  • Փիրէայի Հնագիտական թանգարան ֆր.
  • Իփոտամոս Միլիսեցի անգլերէն
  • Գրիգոր Աղանեան յուն.
  • Թեմիսդոքլիս ֆր.
  • Կորնթոսի Ջրանցքը անգլերէն