Back

ⓘ Հրազդանի Մեծ Կամուրջ




Հրազդանի Մեծ Կամուրջ
                                     

ⓘ Հրազդանի Մեծ Կամուրջ

Հրազդանի Մեծ Կամուրջ, կամարային կամուրջ Երեւանի մէջ՝ Հրազդան գետի վրայ։ Կը միացնէ Արաբկիր եւ Աջափնեակ վարչական շրջանները՝ ապահովելով քաղաքի կեդրոնի ու հիւսիսային շրջաններու կապը Աջափնեակի եւ Աշտարակի մայրուղիին հետ։ Կառուցուած է 1956 թուականին։

                                     

1. Կառուցուածք

Երկաթ-պեթոնէ տոկուն կառուցմամբ կամարային թռիչքային շինութիւն է՝ միջանցիկ վերթաղային կառուցուածքով։ Մօտեցումները իրականացուած են երկաթ-պեթոնէ հեծանային թռիչքային կառուցուածքներով։ Երկարութիւնը 375 մեթր է, բարձրութիւնը՝ 60.5 մեթր։ Կառոյցի ճարտարագետներն են Ա. Յովնանեան, Վ. Փինաջեան, Ն. Սլավինսկի եւ Ս. Դուրգարեան, ճարտարապետ՝ Գրիգոր Աղապապեան։

                                     

2. Պաշտօնական Բացում

12 Մայիս 1956-ին տեղի ունեցաւ կամուրջի հանդիսաւոր բացումը: Մինչ այդ կամուրջի ամրութիւնը փորձարկուած էր: Ամբողջ երկայնքով կամուրջին վրայ կեցած էին բեռնատարներ, որոնց թափքերը բեռնուած էին քարերով: Հարեւան շէնքերու բնակիչները հաւաքուած էին դարափի փոքրիկ հատուածի մը վրայ: Շատերը անցած էին միւս ափ եւ տեղի ունեցող բացման հանդիսութեան կը հետեւէին Ծիծեռնակաբերդէն: Կամուրջին տակ՝ կամարի ամենավերի հատուածին մէջ, կանգնած էին ճարտարապետն ու ճարտարագէտները՝ իրենց ձեռքին ունենալով սարքեր, որոնցմով կը չափէին բեռնուածութեան հետեւանքով առաջացող կորութիւնը: Այսպէս է համաշխարհային ընդունուած օրէնքը, հեղինակները եւ շինարարները պարտաւոր էին այնտեղ ըլլալ, եթէ իրենց կատարած աշխատանքին 100 տոկոսով վստահ էին: