Back

ⓘ Մարսէյ




Մարսէյ
                                     

ⓘ Մարսէյ

Մարսէյ, քաղաք՝ Ֆրանսայի հարաւը, երկիրին ու Միջերկրածովեան տարածաշրջանին ամէնէն մեծ նաւահանգիստը։ Տեղակայուած է Լիոնի ծոցի ափին՝ Ռոնայի գետեզերքին մօտակայքը, որուն քաղաքը միացած է նեղուցով մը։ 2013-ին Եւրոպայի մշակութային կեդրոնն էր։ Տարածութիւնը՝ 240.62 Քմ2 է, ունի 869.815 բնակիչ:

                                     

1. Պատմութիւն

Քաղաքը հիմնուած է Ք.Ա. շուրջ 600-ին Փոքր Ասիայէն եկած յոյներուն՝ ֆոքէյացինեուն Phocaea կողմէ։ Այդ օրերուն անիկա "Մասալիա" կը կոչուէր յուն.՝ Μασσαλία, լատ.՝ Massilia կամ Massalia հին յուն․՝ Μασσαλία, Massalía,։

Ըստ աւանդութեան՝ քաղաքին պատմութիւնը սկիզբ առած է Կիփթիսի՝ լիկիւրիցիներու Ligurian ցեղի արքայ Նանի դստեր եւ յոյն Փրոթիսի Gyptis et Protis սիրոյ պատմութենէն։ Յոյներէն Փրովանսի ափ կիջնեն այն ատեն, երբ Նան արքան կը մտածէր դուստրը ամուսնացնելու մասին։ Արքան զիրենք խնճոյքի կը հրաւիրէ, որ դուստրը փեսացու մը ընտրէ։ Կիփթիս Փրոթիսի կը մեկնէ գինիով լի գաւաթը։ Զոյգը կը ստանայ ափամերձ տարածքներուն մէկ մասը՝ իբրեւ հարսանեկան նուէր։ Հոն անոնք քաղաք մը կը հիմնեն, որ Մասալիա կը կոչեն։ Կիփթիսի ի պատիւ կոչուած է 444 Կիփթիս աստղակերպը, որ յայտնաբերուած է 1899-ին Մարսէյի աստղադիտարանին մէջ։

                                     

2. Տնտեսութիւն

Ունի միջազգային օդակայան եւ մեծ նաւահանգստային համալիր։ Մարսէյի ինքնավար նաւահանգիստը, բացի Արեւելեան Մարսէյի նաւահանգիստէն, կը ներառէ շարք մը նաւահանգիստներ:

                                     

3. Տեսարժան վայրեր

Քաղաքին գլխավոր մայրուղին ՝ Boulevard La Canbière, կանցնի Հին նաւահանգիստէն դէպի արեւելք։ Երկաթուղային կայարանը տեղակայուած է Աթէն պուլվարի հիւսիսային ծայրամասին մէջ։

Cours Julien-էն ընդամէնը քանի մը թաղամաս դէպի հարաւ, Գարիպալթի պուրակին զուգահեռ, հետիոտնային մեծ տարածութիւն մը կայ շատրուաններով, արմաւենիներով, սրճարաններով, ճաշարաններով եւ թատրոններով։

Առեւտուրը կը կեդրոնանայ Փարատիս փողոցին մէջ։