Back

ⓘ Հարաւային Հոլանտա




Հարաւային Հոլանտա
                                     

ⓘ Հարաւային Հոլանտա

Հարաւային Հոլանտա, պատմական Հոլանտայի հարաւային մասը, որ ԺԶ. դարուն կը գտնուէր սպանական Հապսպուր թագաւորութեան տիրապետութեան տակ եւ կը կոչուէր Սպանական Հոլանտա։ 1713-էն մինչեւ 1794 տարածքը կը գտնուէր աւստրիական Հապսպուրկներու տիրապետութեան տակ եւ կը կոչուէր Աւստրիական Հոլանտա:

                                     

1. Անուանում

Անուանումը յայտնուած է 1581-ին, երբ հրամանատար Ալեքսանտրօ Ֆարնեզէ կը յաջողի պահպանել Սպանիոյ թագը Հոլանտայի հարաւային գլխաւորաբար կաթողիկէ նահագներուն մէջ, որոնք Հոլանտայի Յեղափոխութեան ընթացքին կապստամբին Ֆիլիփ Բ. թագաւորին դէմ, իսկ աւետարանական հիւսիսային նահանգները մաս կը կազմեն Հոլանտայի Հանրապետութեան:

                                     

2. Տարածք

Հարաւային Հոլանտայի մայրաքաղաքը Պրիւքսէլն է: Աւստրական Հոլանտայի տարածքին մէջ կը մտնէին հետեւեալ տարածքները՝

  • Յեննեկաուի կոմսութիւն,
  • Պրապանտի դքսութիւն,
  • Արթուրի կոմսութիւն, Քամպրէ քաղաքով,
  • Լիւքսենպուրկի դքսութիւն,
  • Նամիւր կոմսութիւն,
  • Մեհելէն կոմսութիւն,
  • Կելտերլանտի դքսութիւն։
  • Լիմպուրկի դքսութիւն,
  • Ֆլանտլիայի կոմսութիւն, Թուրնէ քաղաքով,
                                     

3. Պատմութիւն

Սպանական Հապսպուրկներու ճնշումներէն եւ սպանական ժառանգութեան համար պատերազմէն ետք, 1713-ին Ուտրեխտի խաղաղութեան պայմանագիրով հարաւային գաւառները կանցնին Ս. Հռոմէական կայսրութեան իշխանութեան տակ: Սակայն, տարածքին բնակչութիւնը գոհ չմնալով ստեղծուած նոր վիճակէն, 1789-1790 թուականներուն կապստամբի աւստրիական ղեկավարներուն դէմ։ Յունուար 1790-ին կը ստեղծուի Պելճիքայի միացեալ նահանգները, որ կը գոյատեւէ մինչեւ նոյն տարուան Դեկտեմբերը: 1794-ին յեղափոխական պատերազմին ժամանակ Հարաւային Հոլանտա կը միանայ Ֆրանսայի, եւ կը բաժնուի 9 տարածքներու ու այդ կարգավիճակով կը մնայ մինչեւ 1815: 1815-ին Վիեննայի համաժողովին Հարաւային Հոլանտան ու Հիւսիսային Հոլանտան կը միաւորուին եւ կը ստեղծուի Հոլանտայի Միաւորուած Թագաւորութիւնը: